လုံလောက်တာထက် ပိုပြီး နာကျင်ခဲ့တဲ့နှလုံးသားဟာ များသောအားဖြင့် ထုံအသွားကြတာများတယ်

နာကျင်မှုကြောင့် ပြောင်းလဲသွားတဲ့လူတစ်ယောက်ဟာ အရင်လို ပေါ့ပေါ့ပါးပါးလေး ပြန်ရယ်နိုင်ဖို့ဆိုတာ အတော့်ကို မလွယ်တဲ့ ကိစ္စပါ ။လုံလောက်တာထက် ပိုပြီး နာကျင်ခဲ့တဲ့နှလုံးသားဟာ များသောအားဖြင့် ထုံအသွားကြတာများတယ် ။

အရင်လို မဟုတ်တော့ဘူးနော် ဆိုတဲ့စကားကို လူတိုင်းပြောတတ်ပါတယ် ။ အရင်လို မဟုတ်တော့အောင် သူတို့တွေ ဘာတွေ လုပ်ခဲ့လဲဆိုတာကိုတော့ လူတိုင်း မမှတ်မိတတ်ကြဘူး ။ ဥပမာ အယုံလွယ်တဲ့သူကို ခဏခဏ သစ္စာဖောက်ခဲ့ပြီးမှ အရင်လိုလဲ မယုံတော့ဘူးလို့ ပြောတတ်တဲ့ လူတွေပေါ့ တကယ့်ကို ဟာသပါပဲ ။

လူတစ်ယောက်ပြောင်းလဲသွားခြင်းဟာ ဘယ်တော့မှ အကြောင်းမဲ့သက်သက်မဟုတ်ဘူး ။ မိန်းကလေးတစ်ယောက် ပြောင်းလဲ သွားခြင်းဆိုတာကတော့ ပိုလို့တောင် မဖြစ်နိုင်သေးတယ် ။ မိန်းကလေးဆိုတဲ့ သဘာဝအရ အစွဲအလမ်းကြီးတတ်တဲ့ အကျင့်ရယ် မှီခိုအားကိုးလိုတဲ့ စိတ်ရယ်ဟာ အလိုလိုပါပြီးသားပါ ။ အဲ့လိုမိန်းကလေးတစ်ယောက်က ဘယ်သူကမှ မလိုတော့ဘူးလို့ တကယ်အတည်ကြီးပြောတဲ့အခါ သူတကယ်လိုအပ်ခဲ့တဲ့သူဟာ သူ့ကို နာကျင်စရာတွေ အများကြီး ပေးခဲ့ဖူးလိမ့်မယ် ။

နာကျင်မှု … ဘာကြောင့်ပဲ ရတဲ့ နာကျင်မှုပဲ ဖြစ်ဖြစ်ပါ အဲ့ဒီနာကျင်မှုက ခံနိုင်ရည်ရှိတာထက် ကျော်လွန်သွားတဲ့အခါ ခံစားခဲ့ရတဲ့နှလုံးသားဟာ အသက်မဲ့သွားဖို့လမ်း ပိုများတယ် ။ အချစ်ကြောင့် နာကျင်ခဲ့ရတဲ့ နှလုံးသားဟာ အချစ်ကို နောက်ထပ် ခံစားလို့မရတော့အထိ ဖြစ်သွားနိုင်သလို အစွဲအလမ်းကြီးမှုကြောင့် နာကျင်ခဲ့တဲ့နှလုံးသားဟာ သေချာပါတယ် နောက်ထပ် ဘယ်အရာကိုမှ မစွဲလမ်းဖြစ်တော့ပါ ။

အဲ့လို နာကျင်မှုကြောင့် ပြောင်းလဲသွားတဲ့လူတစ်ယောက်ဟာလဲ အရင်လို ပေါ့ပေါ့ပါးပါးလေးပြုံးဖို့ တော်တော်လေးကို မလွယ်တဲ့ ကိစ္စပါ ။

မိန်းမသားတို့အတွက်
သျှင်ယွန်း

နာက်င္မႈေၾကာင့္ ေျပာင္းလဲသြားတဲ့လူတစ္ေယာက္ဟာ အရင္လို ေပါ့ေပါ့ပါးပါးေလး ျပန္ရယ္ႏိုင္ဖို႔ဆိုတာ အေတာ့္ကို မလြယ္တဲ့ ကိစၥပါ ။လံုေလာက္တာထက္ ပိုၿပီး နာက်င္ခဲ့တဲ့ႏွလံုးသားဟာ မ်ားေသာအားျဖင့္ ထံုအသြားၾကတာမ်ားတယ္ ။

အရင္လို မဟုတ္ေတာ့ဘူးေနာ္ ဆိုတဲ့စကားကို လူတိုင္းေျပာတတ္ပါတယ္ ။ အရင္လို မဟုတ္ေတာ့ေအာင္ သူတို႔ေတြ ဘာေတြ လုပ္ခဲ့လဲဆိုတာကိုေတာ့ လူတိုင္း မမွတ္မိတတ္ၾကဘူး ။ ဥပမာ အယံုလြယ္တဲ့သူကို ခဏခဏ သစၥာေဖာက္ခဲ့ၿပီးမွ အရင္လိုလဲ မယံုေတာ့ဘူးလို႔ ေျပာတတ္တဲ့ လူေတြေပါ့ တကယ့္ကို ဟာသပါပဲ ။

လူတစ္ေယာက္ေျပာင္းလဲသြားျခင္းဟာ ဘယ္ေတာ့မွ အေၾကာင္းမဲ့သက္သက္မဟုတ္ဘူး ။ မိန္းကေလးတစ္ေယာက္ ေျပာင္းလဲ သြားျခင္းဆိုတာကေတာ့ ပိုလို႔ေတာင္ မျဖစ္ႏိုင္ေသးတယ္ ။ မိန္းကေလးဆိုတဲ့ သဘာ၀အရ အစြဲအလမ္းႀကီးတတ္တဲ့ အက်င့္ရယ္ မွီခိုအားကိုးလိုတဲ့ စိတ္ရယ္ဟာ အလိုလိုပါၿပီးသားပါ ။ အဲ့လိုမိန္းကေလးတစ္ေယာက္က ဘယ္သူကမွ မလိုေတာ့ဘူးလို႔ တကယ္အတည္ႀကီးေျပာတဲ့အခါ သူတကယ္လိုအပ္ခဲ့တဲ့သူဟာ သူ႔ကို နာက်င္စရာေတြ အမ်ားႀကီး ေပးခဲ့ဖူးလိမ့္မယ္ ။

နာက်င္မႈ … ဘာေၾကာင့္ပဲ ရတဲ့ နာက်င္မႈပဲ ျဖစ္ျဖစ္ပါ အဲ့ဒီနာက်င္မႈက ခံႏိုင္ရည္ရွိတာထက္ ေက်ာ္လြန္သြားတဲ့အခါ ခံစားခဲ့ရတဲ့ႏွလုံးသားဟာ အသက္မဲ့သြားဖို႔လမ္း ပိုမ်ားတယ္ ။ အခ်စ္ေၾကာင့္ နာက်င္ခဲ့ရတဲ့ ႏွလုံးသားဟာ အခ်စ္ကို ေနာက္ထပ္ ခံစားလို႔မရေတာ့အထိ ျဖစ္သြားႏိုင္သလို အစြဲအလမ္းႀကီးမႈေၾကာင့္ နာက်င္ခဲ့တဲ့ႏွလုံးသားဟာ ေသခ်ာပါတယ္ ေနာက္ထပ္ ဘယ္အရာကိုမွ မစြဲလမ္းျဖစ္ေတာ့ပါ ။

အဲ့လို နာက်င္မႈေၾကာင့္ ေျပာင္းလဲသြားတဲ့လူတစ္ေယာက္ဟာလဲ အရင္လို ေပါ့ေပါ့ပါးပါးေလးၿပဳံးဖို႔ ေတာ္ေတာ္ေလးကို မလြယ္တဲ့ ကိစၥပါ ။

မိန္းမသားတို႔အတြက္
သွ်င္ယြန္း